Ministri i Mbrojtes, Pirro Vengu ka zhvilluar vizitën e tij të parë ditën e sotme në Kosovë me kryeminstrin Albin Kurti, ku fokus kryesor kanë qenë diskutimet mbi forcimin e bashkëpunimit në rrafshin e mbrojtjes.
Në një postim në rrjete sociale Vengu ka vënë theksin edhe të domosdoshmëria e ndërveprimit me aleatët për konsolidimin e subjektivitetit ndërkombëtar të Kosovës.
Ai shkruan gjithashtu se edhe investimet e përbashkëta si në mjete, ashtu edhe në kapital njerëzor janë një kontribut në sigurinë kolektive.
‘Sot në Kosovë për të folur për ato ura që na lidhin, e të tjera që duhet të shtojmë në rrugëtimin tonë të përbashkët.
Në takimin tejet të hapur e miqësor me Kryeministrin Albin Kurti vendosëm theksin në forcimin e bashkëpunimit në rrafshin e mbrojtjes, stabilitetin rajonal dhe ndërveprimin e domosdoshëm me aleatët tanë për një konsolidim të subjektivitetit ndërkombëtar të Kosovës.
Investimet e përbashkëta në mjete dhe kapital njerëzor, janë një kontribut në sigurinë kolektive’,- shkruan ministri i Mbrojtjes./ Versus.al
