Deputeti Erion Braçe ka reaguar pas lajmeve për një përplasje me kryeministrin Edi Rama në mbledhjen e socialistëve, duke sqaruar se nuk është nxjerrë jashtë dhe se është larguar vetë pasi kishte mbaruar së foluri.
Ai thotë se deklaratat e tij janë nxjerrë jashtë kontekstit dhe janë përdorur për ta goditur politikisht.
Braçe: Kjo është njësoj si teknologjia e vezës, asaj vezës që qëllohen deputetë pa asnjë shkak, pa u ditur as emrin një pjese, por është në të njëjtën linjë, synon vetëm linçimin, ndaj është “vrasje me pagesë” në politikë. Dje para se të nisja të flisja, u kërkova kolegëve të mos nxirrnin përjashta asgjë nga ato që unë do flisja aty. Ja që ndodhi kjo që lexova, madje edhe e transformuar.
Tani meqë dje u mor një angazhim për të bërë shembull njërin ndër ata që nxjerrin fjalët e shtëpisë për të vrarë politikisht atë tjetrin atje matanë, unë mezi pres që të mbahet fjala. Pra të bëhet shembulli. Mua dje nuk më ka nxjerrë askush jashtë, jam ulur sepse nuk kam patur cfarë të them më, e pasi kam thënë aty , e në mbledhjen pararendësie, gjithçka që thonë socialistët prej 1 viti. Kam dalë jashtë vetë sepse nuk kam patur më cfarë të dëgjoja. Kjo është e vërteta./Versus.al
