Një aksident i ndodhur pasditen e djeshme në lagjen nr.13 të Durrësit, përfundoi në sherr masiv mes disa personave.
Makina tip “Audi” me targa gjermane ku ndodhej një familje shqiptare, u përplas me një mjet tip “Volksëagen” me targa shqiptare. Pas aksidentit, disa persona kanë sulmuar fizikisht shoferin e “Audi”-t duke i shkaktuar dëmtime të shumta.
Pas ngjarjes, u arrestuan në flagrantë tre vëllezërit Altin, Edison dhe Robert Kraci të cilët akuzohen për plagosje të lehtë me dashje në bashkëpunim si dhe 22 vjeçari Agim Hasanbelliu i cili akuzohet për deklarim të rremë dhe pengim të zbulimit të së vërtetës.
Në kërkim u shpall shoferi i Audit, 63 vjeçari B.H për shkatërrim të pronës dhe plagosje të lehtë me dashje. Hasanbelliu në krah të 63 vjeçarit, nuk rrëfeu për rrethanat e konfliktit.
Ndërsa nën hetim është edhe 35 vjeçari A.Zh, administrator i lokalit para të cilit ndodhi përplasja pasi fshehu pamjet e kamerave të sigurisë duke penguar punën e policisë. Versus.al
