Një i ri është vënë në pranga, pasi akuzohet se shiste drogë në plazhin e Velipojës.
Burime nga policia thanë se, Agostin Gjini, 24 vjeç është vënë në pranga nga policia e Shkodrës.
24-vjeçari banues në fshatin Laç akuzohet për shitje të kanabisit në plazhin e Velipojës.
Policia Shkodër
Shiste në Velipojë, në plazh dhe lokale lëndë narkotike e dyshuar cannabis sativa, kapet në flagrancë dhe vihet në pranga 24-vjeçari.
Sekuestrohet lënda narkotike cannabis sativa e ndarë në doza gati për shitje.
Specialistët e Sektorit për Hetimin e Narkotikëve në DVP Shkodër, në bashkëpunim me shërbimet e Stacionit të Policisë Velipojë, bazuar në informacionet e siguruara nga inteligjenca policore se një shtetas shpërndante lëndë narkotike në plazhin e Velipojës, me qëllimin për ta shitur, kanë organizuar punën për kapjen e tij.
Si rezultat, u arrestua në flagrancë shtetasi A. Gj., 24 vjeç, banues në fshatin Laç.
Gjatë kontrollit fizik, shërbimet e Policisë i kanë gjetur këtij shtetasi, një sasi lënde narkotike e dyshuar narkotike cannabis,e ndarë në doza gati për shitje. Lënda narkotike u sekuestrua në cilësinë e provës materiale.
