Detaje të reja janë zbardhur nga aksidenti i rëndë rrugor që ndodhi mbrëmjen e sotme në zonën e Vaqarrit ku 2 automjete u përplasën kokë më kokë duke shkaktuar disa të plagosur.
Mësohet se në një prej mjeteve drejtuese ishte një grua shtatzënë dhe bashkë me të udhëtonin 6 fëmijë të cilët ishin duke shkuar për të luajtur kalçeto.
Disa prej tyre kanë marrë dëmtime të lehta, dhe fatmirësisht në gjendje të mirë shëndetësore është edhe gruaja shtatzënë.
Tiranë/Informacion paraprak
Rreth orës 19:05, në Vaqarr, automjeti me drejtuese shtetasen Xh. Sh. është përplasur me automjetin me drejtues shtetasin A. P.
Si pasojë e aksidentit janë dëmtuar 6 fëmijë të mitur, të moshave 6-10 vjeç, të cilët udhëtonin si pasagjerë në automjetin që drejtohej nga shtetasja Xh. Sh., si dhe vetë drejtuesja e këtij automjeti. Të dëmtuarit po marrin mjekim në spital dhe ndodhen jashtë rrezikut për jetën.
Grupi hetimor po punon për sqarimin e rrethanave të aksidentit. Versus.al
