Fabian Muçollari, 27-vjeçari që dikur tronditi opinionin publik për vrasjen e bashkëmoshatarit të tij Fabio Hila, është rikthyer sërish në qendër të vëmendjes.
Pasi kishte lënë qelinë pas vuajtjes së dënimit për atë krim, ai është arrestuar përsëri nga policia në Pogradec, kësaj here për posedim të lëndëve narkotike dhe armë zjarri.
Emri i Muçollarit nuk është i panjohur për autoritetet.
Në vitin 2016, ai ekzekutoi me kallashnikov 18-vjeçarin Fabio Hila, ngjarje që pati për shkak një konflikti të ashpër mes tyre, dyshohet për motive xhelozie dhe ndërhyrjeje në një lidhje me një vajzë.
Pas nëntë vitesh nga tragjedia, janë zbuluar bisedat e fundit mes dy të rinjve, të cilat tregojnë për tensionin e madh që çoi në përplasjen fatale.
Fjalët e ashpra, kërcënimet dhe fyerjet përshkruajnë klimën e konfliktit: “Do të ta pres kokën...”, ishte një nga mesazhet që parapriu takimin e fundit mes tyre – takim që përfundoi me vrasje.
Pavarësisht kalimit të viteve dhe një dënimi me burg, Muçollari duket se nuk i është larguar rrugës së rrezikshme, duke rënë sërish në prangat e policisë./Versus.al
*Bisedat mes dy të rinjve
