Një ngjarje e rëndë ka ndodhur mbrëmjen e sotme në Bushat të bashkisë së Vaut të Dejës.
Burime nga policia bëjnë të ditur se, një sasi lëndë plasëse tritol është hedhur në portën e jashtme të banesës së Filip Dodaj, 32 vjeç në zonën e Bashkisë së Vaut të Dejës.
Ngjarja ka ndodhur rreth orës 21:10 në fshatin “Bushat. Si pasojë e shpërthimit ka pasur vetëm dëme të vogla materiale.
“Rreth orës 21:10, në fshatin “Bushat”, Vau i Dejës, në portën e jashtme të banesës së shtetasit F. D., 32 vjeç, është hedhur një sasi e vogël, dyshohet lëndë plasëse.
Si pasojë ka vetëm dëme të vogla materiale.
Grupi hetimor nën drejtimin e Prokurorisë vijon veprimet për sigurimin e provave me qëllim identifikimin dhe kapjen e autorit/ve.”, bën të ditur policia në një njoftim të sajin.
