Një 33-vjeçar ka mbetur i plagosur me thikë mbrëmjen e sotme në lagjen "15 Tetori", në Fier.
Raportohet se i plagosuri Dashnor Dorti, është dërguar me urgjencë në spital për të marrë ndihmë mjekësore ndërsa policia ka nisur kërkimet për autorin e dyshuar të ngjarjes, J.R.
Burime për Versus.al bëjnë me dije se konflikti mes 33-vjeçarit dhe shtetasit J. R., ndodhi për një vend parkimi.
Njoftimi i Policisë
Rreth orës 18:30, në lagjen "15 Tetori", dyshohet se pas një konflikti për motive të dobëta, shtetasi J. R., ka dëmtuar lehtë me mjet prerës shtetasin D. D., 33 vjeç, banues në Roskovec, i cili ndodhet në kujdesin e mjekëve.
Shërbimet e Policisë po punojnë për kapjen e shtetasit J. R. Grupi hetimor po punon për zbardhjen e plotë të rrethanave të ngjarjes.
