Detaje të reja janë zbuluar nga shpërthimi i ndodhur mëngjesin e sotëm në parkingun në afërsi të spitalit ‘Amavita’.
Sipas policisë një sasi e vogël e dyshuar si lëndë plasëse është vendosur në automjetin e Matilda Kajas me profesion mjeke.
Shpërthimi ka qenë shumë i fuqishëm aq sa janë thyer të gjitha xhamat e pallatit pranë spitalit ‘Amavita’.
Njoftimi i policisë:
Rreth orës 03:55, të datës 01.05.2025, në rrugën “Pjetër Budi”, dyshohet se në parkingun në afërsi të një spitali, është vendosur një sasi e vogël e dyshuar lëndë plasëse në gomën e parë të automjetit në pronësi të shtetases M. K.
Si pasojë ka vetëm dëme materiale. Grupi hetimor po punon për identifikimin dhe kapjen e autorit/ve si dhe sqarimin e rrethanave të rastit.
Materialet procedurale iu referuan Prokurorisë, për veprime të mëtejshme./Versus.al
