Atentati i sotëm në Tiranë, në zonën e Lundrës duke se ka qenë i mirëplanifikuar. Ndonëse dyshimet e para u ngritën për plagosje pas një konflikti banal, pas ngjarjes së rëndë në të cilën kanë mbetur të plagosur dy të mitur, atentati nuk i është lënë rastësisë.
Sipas informacioneve të derimëtanishme, një automjet ka ndjekur nga zona e rrethit të Shkozës deri në Lundër, makinën e “Pelikan Security”. Pronar i kësaj kompanie është Vesel Demiraj.
Versus.al meson se makina e përdorur nga autorët rezulton me targa të vjedhura. Konkretisht, targat i përkasin një vajze të re 23 vjeçare, të një makine të llojit ‘Volkswagen’.
Megjithatë verifikimet e mëtejshme do hedhin dritë për shkaqet e ngjarjes së rëndë, ku dy të plagosurit e mitur dyshohet të jenë të afërm të Demirajt. /Versus.al/
