Kontrolli i automjetit me të cilin udhëtonin të arrestuarit
Itali- Një shqiptar dhe një italian janë arrestuar nga policia në Val Venosta të Bolzanos pasi janë kapur me 8.5 kilogramë kokainë të fshehura në një makinë që vinte nga Gjermania.
Mediat italiane shkruajnë se të dy shfaqën shenja nervozizmi sapo u ndaluan nga policia. Ndërsa shpjegimet e tyre kontradiktore për arsyet e udhëtimit, bënë që karabinierët të dyshonin prandaj përdorën qentë antidrogë për të kontrolluar mjetin. Qentë Escott dhe Jumpa identifikuan, të fshehur në ndarjen e bagazhit, tetë blloqe që përmbanin gjithsej 8,581 kg kokainë.
Droga e cila nëse do të hidhej në treg do të skapte vlerën prej 1.5 milionë eurosh, u sekuestrua bashkë me automjetin ndërsa shqiptari dhe italiani u dërguan në paraburgimin e Bolzanos. Versus.al
Poll
