Itali- Ditë pas arrestimit të një emigranti shqiptar në Breshia ku u kap me 1.6 kg kokainë, karabinierët publikuan edhe pamjet e operacionit.
Brenda automjetit të tij tip “Golf” në pjesën e bagazhit, shqiptari kishte bërë një modifikim për të fshehur lëndën narkotike me vlerë 50 mijë euro. Mungesa e qetësisë së tij gjatë ndalimit nga policia, bëri që të ushtrohej një kontroll në makinë.
Pavarësisht qenëve të stërvitur antidrogë, karabinierët e patën të vështirë të gjenin drogën pasi shqiptari e kishte spërkatur gjithë makinën me parfum në rast të ndonjë kontrolli të beftë.
Por këmbëngulja e qenit antidrogë, zbuloi një çelës të vogël të fshehur në një vrimë poshtë tapicerisë që më pas të çonte te “modifikimi” i bërë në bagazh për të fshehur 2 blloqet e kokainës të mbështjella me natriban të kuq e të bardhë. Versus.al
