Motra e Emanilda Ramës, 26 vjeçares që vrau babain e saj në fshatin Frashër të Fierit, ka rrëfyer detaje rreth mënyrës sesi mësoi ngjarjen e rëndë.
Ajo tha se Emanilda e kishte telefonuar për t’i thënë se babai ishte rrëzuar. Pasi i kishte thënë këtë gjë, vajza e madhe u shpreh se e motra mbylli celularin dhe ishte detyruar të telefononte nënën e saj e cila ia kishte konfirmuar lajmin.
“Më mori motra në telefon dhe më tha që babi ka rënë në banjë, më pas e fiku telefonin, marr mamin në telefon dhe i them është gjallë? Jo më tha ka vdekur, flisja shpesh në telefon nuk pashë të kishte gjë, nuk kuptova as edhe një gjë, me babin kam folur gjithmonë”- u shpreh ajo për TCH.
Më herët, kryeplaku i fshatit ka deklaruar se nënë e bijë e dhunonin viktimën dhe e linin pa bukë. Versus.al
