Shkodër- Policia ka arrestuar babë e bir të cilët ishin shpallur në kërkim për një plagosje me thikë të ndodhur në sheshin “Prek Cali”.
Viktor Dakaj, 43 vjeç dhe djali i tij 16 vjeçar kërkoheshin për plagosjen e 33 vjeçarit P.G. Mësohet se babai është konfliktuar fizikisht me 33 vjeçarin dhe më pas dy djemtë e tij të mitur e kanë goditur me thikë të riun duke e lënë të plagosur.
Veprimet procedurale për 16-vjeçarin dhe për 14-vjeçarin (pa përgjegjësi penale për shkak të moshës) janë kryer duke respektuar Kodin e Drejtësisë për të Mitur. Ndërsa babai i tyre akuzohet për shtytjen e të miturve në krim, djali 16 vjeçar akuzohet për vrasje me dashje të mbetur në tentativë dhe armëmbajtje pa leje.
Materialet procedurale i kaluan Prokurorisë, për veprime të mëtejshme. Versus.al
