Kreu i Drejtorisë së Çështjeve Fetare të Turqisë, kryemyftiu Ali Erbash, në prag të prerjes së shiritit në inaugurimin e xhamisë së Namazgjasë, mbajti edhe një lutje për besimtarët myslimanë në Shqipëri, por edhe përtej kufirit.
Ajo që ka bërë më së shumti përshtypje është se gjatë këndimit të fjalëve të Kuranit, Erbash u lut dhe për shpirtrat e ushtarëve osmanë të vrarë në Shqipëri, të cilët ai i quajti martirë që sollën Islamin në Shqipëri.
“Shumë dëshmorë i kanë larë këto toka me gjak! Zot, lartësoji shpirtrat e gjyshërve dhe dëshmorëve tanë që dhanë jetën për të sjellë Islamin këtu. Jepu lajm atyre për këtë gosti shpirtërore, për këtë hapje xhamie!”, tha gjatë lutjes së tij Ali Erbash.
Me inaugurimin e xhamisë, është mbyllur edhe vizita e Erodgan në Tiranë. Ai u takua fillimisht me homologun e tij, presidentin Begaj dhe më pas patën edhe një konferencë të përbashkët për shtyp me kryeministrin Edi Rama. Erdogan nuk nguroi të përcillte mesazhe edhe për luftën në Gaza duke thënë se duhet të jenë të gjithë bashkë “Kundër terrorizmit shtetëror të Izraelit”. Xhamia e Namazgjasë do t’u shërbejë 10 mijë besimtarëve. Në krye të saj do të jetë kryemyftiu i Tiranës, Bilal Teqja./Versus.al
View this post on Instagram
