Gazetarja Anila Hoxha ka folur në studion e “Top Story” lidhur me situatën kriminale në vend, duke e lidhur atë me mosveprimet e policisë, të cilat i konsideroi si “dështime të shtetit”.
Ajo e cilësoi Dukagjinin si “Lazaratin e dikurshëm” për shkak të përhapjes së kultvitimit në masë të kanabisit që mbillet për shkak të terrenit të thyer dhe të vështirë për t’u aksesuar.
“Shumë vrasje të ndodhura, në zbardhje shteti ka dështuar. Atentate mafioze duke nisur nga Bardhok Pllanaj, por sidomos ndaj sulmeve me tritol, kanosje. Ndaj njerëzve që mund të përfaqësojnë ligjin, policinë apo gjykatën, që kanë qenë këshilltarë apo anëtarë të tenderëve. Ndaj tre oficerëve policorë është vënë tritol. Në Dukagjin vitet e fundit është kthyer fuqishëm fenomeni i kanabisit. Dukagjini është kthyer në Lazart i vogël. Ku kultivohet drogë për shkak të zonës së thyer. Shpesh kanë tentuar të krehin Alpet me forca policore. Një nga sulmet që u qëllua në ajër. Dukagjini vazhdon të jetë problem dhe zona e zhvendosur e kultivimit të drogës”- tha Hoxha.
Ndër të tjera gazetarja zbuloi sesi disa oficerëve të cilët kishin tentuar të zbatonin ligjin, u ishte vendosur tritol, duke përmendur edhe rastin e një oficeri të Rrugores i cili i ngriti tabelën një makine të gabuar që transportonte drogë.
“Malet e Dukagjinit, sado të kontrollohen nga lart, kanë metoda mos të zbulohen nga ajri. Dukagjini konsiderohet ‘hotspot’ i kultivimit të drogës, kjo sjell që grupet përplasen me njëra tjetrën. Këto grupet kriminale në Shkodër i bëjnë të gjitha punët e pista, krijojnë aleanca dhe kur bëhet rezymeja, Shkodrën e rendisin në top list. Që në 2021 mban vendin e parë Shkodra me kriminalitet. Oficerit të krimeve iu vendos lëndë plasëse. Dhe një oficeri rrugor që i ngriti tabelën një makine të gabuar që transportonte drogë. Një punonjës bashkie i rrahur me bejsboll, shkoj në Shkodër thotë nuk mbaj mend asgjë”- rrëfeu gazetarja. Versus.al
