Forcat speciale spanjolle, Mossos d'Esquadra ka kryer një operacion të gjërë në disa vende të Katalonjës kundër trafikut të marijuanës me qëllim shkatërrimin e një organziate kriminale me origjinë shqiptare.
Kërkimet për këtë operacion sipas mediave vendase janë kryer në disa magazine, banesa dhe depo në disa bashki.
Hetimi i drejtuar nga Njësia Hetimore e Komisariatit të Policisë Anoia , ka bërë të mundur lidhjen e vendndodhjeve të ndryshme në kuadër të këtij operacioni kundër këtij trafiku.
Ky operacion është fokusuar në luftën kundër marijuanës në rajonin e Anoias dhe në degëzimet e organizatave kriminale të përfshira.
Deri më tani është konfirmuar arrestimi i objektivave, të gjithë me kombësi shqiptare dhe sekuestrimi i drogës, ndonëse ende nuk është bërë i mundur një numërim i plotë i materialit të konfiskuar në këtë bastisje të re antidrogë nga Mossos.
Në total janë bërë pesë arrestime.
Të premten e kaluar, në një sulm mes trafikantëve të drogës për të vjedhur marijuanën, një burrë u qëllua për vdekje në Olesa de Montserrat .
Dhe këtë fundjavë, Mossos ndaluan dy automjete në Empordà të ngarkuara me para ku u gjetën dhe tre armë zjarri që, sipas të gjitha indikacioneve, ishin të destinuara për blerjen e marihuanës./Versus.al
