Belgjikë- Policia e Brukselit ka goditur një rrjet shqiptar të trafikut të kokainës që kishte si synim shpërndarjen e drogës në disa zona të kryeqytetit belg si Brabant Flamand dhe Brabant Walloon, por edhe trafikun drejt Britanisë së Madhe.
Mediat belge shkruajnë se paraditen e së hënës janë kryer 30 kontrolle banesash në kuadër të të cilave janë arrestuar disa persona të dyshuar dhe janë sekuestruar sendet e gjetura në cilësinë e provave materiale.
Gjatë operacionit janë sekuestruar dy pistoleta, para “cash” dhe disa automjete luksoze. Hetimet nisën pas informacioneve për transporte të dyshimta. Shqiptarët përdornin shtetas grekë si shoferë kamionash për t'u transportuar lëndën narkotike drejt Britanisë së Madhe.
Droga fshihej në kamionë që transportinin mallra legale. Dyshohet se rrjeti trafikonte drogë edhe në Francë dhe Britani të Madhe, ndërsa hetimet vazhdojnë për arrestimin e personave të tjerë të përfshirë. Versus.al
