Itali- Një 29 vjeçar shqiptar është arrestuar nga policia italiane në Milano pasi u kap në flagrancë teksa tentonte t’i shiste dozë kokaine një italianeje 33 vjeçare.
Në momentin kur shqiptari po udhëtonte me automjetin e tij, ndaloi në zonën e njohur si “Via Valtellina” ku mori 33 vjeçaren. Të dy dukej se po bënin një shkëmbim të dyshimtë dhe në këtë moment ndërhyri policia duke i vënë të dy në pranga.
Gjatë kontrollit, shqiptarit iu gjetën dhjetëra doza kokainë të shpërndara në pjesë të ndryshme të trupit. Pas verifikimeve, rezultoi se i riu shqiptar ishte emigrant i paligjshëm në Itali dhe nuk ishte në aktivitet pune.
Ndërsa gruaja e përfshirë në shkëmbimin e drogës po i nënshtrohet hetimeve të tjera për t’u sqaruar plotësisht pozicioni i saj. Versus.al
