Pandeli Nakoleci që akuzohet për vrasjen e bashkëshortes së tij në Volo, Marjola Nakoleci ndodhet që nga mbrëmja e djeshme në burgun e Larisa-s. Ai mbahet në një qeli me tetë të burgosur të tjerë, por është i izoluar dhe nuk komunikon me askënd.
Në të njëjtën kohë, motra e gruas Marjolws po pret që procesi të përfundojë në mënyrë që ajo të marrë kujdestarinë e fëmijëve.
"Ai është një përbindësh, një përbindësh i madh. Duhet të dënohet me vdekje, sepse shantazhoi fëmijët, motrën time në mënyrën më të keqe , dhe shikoni se ku përfundoi kjo situatë, në këtë triller. Nëse e donte atë, nëse e donte vërtet motrën time, e vrau, e futi në dhe përgjithmonë. Le të rrijë në burg përgjithmonë.", wshtw shprehur ajo për STAR.
Sipas STAR, ai është transferuar në krahun e tretë të burgut, rreth 200 persona në dy qelitë ku duhej të hynte nuk e kanë pranuar dhe është futur në një qeli me tetë persona ku po mbahet edhe në izolim. Askush nuk po flet me të dhe nuk ka kërkuar asgjë.
Marjola nuk ishte e lumtur pranë tij. Ai e linte shtatzënë për ta mbajtur të lidhur, thotë ajo me zemërim duke folur për STAR.
“Ai donte grua me zor. Motra ime nuk ishte e lumtur. Më tha se ishte shtatzënë dhe unë i thashë: ‘Qëndro pak, motra ime, çfarë po bëni, pse e bën këtë gjithmonë vetes?’ ‘Ai më xhelozon që të mos e lë’, më tha. Ai mendonte se sa më shumë fëmijë do të bënte, aq më shumë do ta mbante të lidhur”, shtoi ajo.
Duke iu përgjigjur pretendimit të autorit, se bashkëshortja e tij kishte marrëdhënie jashtëmartesore që nga Pashka e kaluar, gjë që e kishte shkatërruar emocionalisht, ajo tha: “Sepse dikush i panjohur i dërgoi një mesazh, çfarë do të thotë kjo, që ai po tradhtohej?”
“Pas gjithë këtyre, ata kishin telefonat bashkë, edhe ai kishte të sajin dhe ajo kishte të tijin. I kishin bashkë. Si mund të dalë tani që po e tradhtonte, kur ai shikonte të gjitha mesazhet? Ai gjithashtu kishte kodet e saj, hynte në Facebook, TikTok, Messenger, kudo”, përfundoi motra e 36-vjeçares./Versus.al
