Policia spanjolle ka arrestuar tre shqiptarë të cilët vepronin si një bandë e specializuar në grabitjet e shtëpive.
Sipas mediave spanjolle ata shtireshin si turistë ditën ndërsa si hajdutë natën dhe kryenin grabitje në shtëpi të cilat ishin të pabanuara. Hetimi nisi verën e kaluar pas disa ankesave në zonën lindore të kryeqytetit Malaga.
Në bastisje merrnin pjesë gjithmonë dy persona të maskuar, të veshur me ngjyra të errëta dhe ishin të pajisur me një çantë shpine.
Pas vizitave të tyre në plazhe dhe klube nate, ata udhëtonin me një makinë e cila i linte në mes të shkurreve dhe aty merrnin çantën e grabitjes në të cilin kishin veshjen, elektrik dore, telefona dhe mjete që kishin fshehur më parë.
Grupi kishte formuar një 'celulë udhëtuese' dhe qëndronin në një vendbanim strategjik në rajonin e Axarquía për të kryer "fushatën e vjedhjeve të përkohshme". Ata gjithashtu përdornin dokumentacion të rremë për marrjen me qira të automjeteve, për të paguar shtëpitë që merrnin për pushime.
Ky grup kriminal vepronte kryesisht në zonat urbane në lindje të Malagas, por edhe në qytetet si Mijas, Vélez-Málaga, Torremolinos dhe Alhaurín de la Torre. /Versus.al
