Britani e Madhe- Një emigrant shqiptar 21 vjeçar ka pranuar rolin e tij në kultivimin e kanabisit brenda një ndërtese në Nottingham. Mësohet se i riu Denaldo Meta u deklarua fajtor për prodhimin e kanabisit.
Prokurori i çështjes tha se 21 vjeçari ka pasur një rol të vogël për një periudhë të shkurtër. Ndërsa avokatja e shqiptarit u shpreh se fakti që 21 vjeçari është një emigrant i paligjshëm çdo dënim do e kthente atë në Shqipëri në bazë të marrëveshjes së nënshkruar mes dy vendeve.
Seanca e rradhës do të jetë në 16 janar, ndërsa deri në atë datë, 21-vjeçari shqiptar do të duhet të qëndrojë në paraburgim.
Arrestimi i Denaldo Metës ndodhi gjatë një kontrolli të policië në një ndërtesë, ku kishte informacione se kultivohej droga e klasës B. Oficerët zbuluan më shumë se 300 bimë kur ata bastisën shtëpinë në Wollaton Hall Drive, Lenton, mëngjesin e 26 nëntorit. Versus.al
