Tiranë- Këto janë momentet kur ish-banorja e Big Brother VIP, Antonela Berisha ka dalë para gjykatës për t’u njohur me masën e sigurisë lidhur me ngjarjen e ndodhur në 9 gusht ku akuzohet se në bashkëpunim me motrën e saj Mariela Berisha kanë dhunuar brutalisht 24 vjeçaren Klea Prenga në një lokal të kryeqytetit.
Dje të dyja motrat u dorëzuan në polici pas arratisë që zgjati rreth 2 muaj.
Pamjet e sherrit u bënë virale ku dukej momenti kur motrat Berisha hynin në lokal dhe i thyenin shishen e qelqit në fytyrë blogeres Klea Prenga e cila sipas akt-ekspertizës tashmë ka dëme të pariparueshme në fytyrë gjë që i ka sjellë izolimin nga daljet në publik.
I gjithë konflikti dyshohet të ketë ndodhur për një mashkull, pasi Mariela Berisha e akuzonte të renë se kishte ndërhyrë në marrëdhënien me partnerin e saj, gjë që është mohuar nga 24 vjeçarja. Versus.al
