Eurodeputeti Fredi Beleri është paraqitur këtë të martë në Gjykatën e Tiranës ku ka kallëzuar drejtorin e Arkivave Ardit Bido për shpifje. Seanca ndodhet në fazën përgatitore, ndërsa avokati i tij tha se Beleri vendosi të merrte pjesë personalisht më seancë duke qenë se ndodhej në Tiranë.
Kujtojmë se në seancën e pajtimit Beleri nuk u tërhoq nga denoncimi i tij dhe i është hapur rrugë gjykimit.
Ndërsa Bido ka pranuar pajtim, por pa u tërhequr nga deklaratat e tij publike të konsideruara si shpifje nga Beleri.
Në padinë e tij, Beleri pretendon se Bido ka shpifur duke përfshirë emrin e tij në masakrën e Peshkëpisë dhe pjesëmarrjen në grupime ultra nacionaliste greke. Jashtë gjykatës Bido tha para disa muajsh se deklarimet e tij i referohej fakteve të pohuara nga studiues grekë.
Kujtojmë se Bibo është një prej kandidatëve të PS për deputetë në listën e hapur të Vlorës. Versus.al
