Spanjë- Media spanjolle “El Confidencial” i ka kushtuar një artikull të plotë shqiptarit të cilësuar si një prej anëtarëve më të rrezikshëm të bandave që merren me narkotrafikun në Spanjë dhe Europë.
Duke publikuar kur shqiptari kërcënon një bashkëatdhetar të tijin, D.N përshkruhet si “sadist” që përlqen të luajë me objektivët e tij duke i bërë të përjetojnë frikën e vdekjes si fillim. Në video shfaqet teksa qëllon rreth 10 herë me armë zjarri në këmbët e bashkëatdhetarit të tij dhe më pas e dyen me sharje në shqip.
Shënjestra në këtë rast, shtrihet në tokë deri në momentin kur D.N së bashku me pjesëtarë të tjerë të grupit të tij largohen nga lokali ku ndodheshin.
Dyshohet se takimi mes D.N, dy anëtarëve të grupit të tij dhe shqiptarit tjetër ishte rreth sasive të marijuanës që do trafikoheshin në Spanjë dhe në debat e sipër konflikti përshkallëzoi kur shqiptari i cili ishte i vetëm në takim nxorri një thikë në dorë për të frikësuar palën tjetër.
Në atë moment, shqiptari D.N nxjerr armën dhe fillon të qëllojë në mënyrë të përsëritur rreth këmbëve të bashkëatdhetarit të tij. Ky i fundit u godit nga disa plumba, pjesa më e madhe e të cilëve në këmbë.
Por ndërhyrja e një mjeku jashtë detyrës i cili ndodhej në vendngjarje ka rezultuar kyçe për t’i shpëtuar jetën shqiptarit.
Ndërkohë autori, shqiptari D.N, nuk është një emër i panjohur për policinë pasi akuzohet si kreu i grupit që rrëmbeu një biznesmen sirian i cili menaxhonte kriptomonedha. Për të treguar seriozitetin e tyre, anëtarët e bandës i dërguan një të njohuri foton e biznesmenit me fytyrë poshtë teksa i kishin vënë armën në kokë.
Por kjo foto përmbante informacion që çuan policinë në gjurmët e tyre. Në momentin e arrestimit, shqiptari D.N mbante dokumentacion të falsifikuar grek, të njëjtën kartë identiteti që kishte edhe kur qëlloi disa herë ndaj bashkëatdhetarit në restorant. Identiteti i tij i vërtetë u bë i ditur pas kësaj tentative vrasjeje.
Pikërisht atëherë u mësua se D.N është me origjinë shqiptare dhe ka një skedë të errët kriminale./ Versus.al
