Disa të rinj u mblodhën ditën e sotme në qendër të Bulqizës për të zhvilluar një protestë për bashkëmoshatarin e tyre, Erjon Boba i cili humbi jetën tragjikisht në 5 dhjetor, pasi u qëllua me thikë nga një 14 vjeçar në Durrës. Me pankarta në duar ata bënë thirrje për më shumë siguri në shkolla dhe kujdes për problemet që prekin rininë.
“Të rinjtë duhet të ndihen të sigurt kudo,” tha një prej pjesëmarrësve duke bërë thirrje për të gjithë që të reflektojnë në parandalimin e ngjarjeve të ngjashme në të ardhmen.
“Kërkojmë më shumë masa konkrete nga institucionet arsimore, ofrimin e mbështetjes psikologjike dhe krijimin e hapësirave të sigurta ku të rinjtë mund të shprehen lirisht dhe të kërkojnë ndihmë”, thanë ata.
Të rinjtë shprehën ngushëllime për familjen e Erjon Bobës dhe apeluan që ngjarje të tilla të mos përsëriten. Barie Boba, e afërme e familjes së viktimës, bëri thirrje për më shumë edukim, kujdes dhe vëmendje ndaj parandalimit të situatave të rrezikshme, si nga ana e prindërve ashtu edhe nga institucionet arsimore.
-
-
-
-
-
-
Ndërron jetë pas 10 ditësh në koma 15 vjeçari që u godit me thikë
4 Dhjetor, 19:55
