Detaje të reja janë zbardhur nga atentati i mbrëmshëm në kryeqytet ku mbeti i vrarë 56 vjeçari Bujar Nasufi, i paskeduar më parë nga policia.
Pista kryesore ku policia po heton deri tani është konflikti brenda rrethit familjar. Grupi hetimor ka sekuestruar disa kamera sigurie ku autori i vrasjes së 56 vjeçari mban një kapuç për të fshehur identitetin e tij.
Nga kqyrja paraprake e kamerave që policia ka bërë, autori e ka pritur viktimën në afërsi të banesës. Në kohën kur Bujar Nasufi ka dashur të parkojë në rrugë, autori është afruar dhe e ka qëlluar dhe më pas është larguar me motor.
56 vjeçari u ekzekutua në sy të bashkëshortes së tij, pasi kjo e fundit ishte brenda mjetit në momentin kur autori qëllon në drejtim të tij duke e lënë të vdekur në vend.
Kanë qënë dy automjete, një e viktimës dhe tjetra e vëllait të tij që kanë qënë duke u afruar në banesë. Të dyja familjet jetojnë në një godinë, pallat që e kanë ndërtuar para disa vitesh.
Viktima së bashku me vëllanë janë pronarë të një mobilerie në zonën e “Pallatit me Shigjeta”, zonë ku iu bë dhe atentati./Versus.al
