Janë bërë publike rezultatet paraprake të zgjedhjeve për rektor në universitetet publike në Tiranë.
Në disa prej tyre ka rikonfirmime, e në disa të tjera janë zgjedhur drejtues të rinj.
Sipas të dhënave, deri më tani rezultatet e mëposhme janë:
Në Universitetin e Mjekësisë është zgjedhur rektor Prof. Xheladin Draçini me shumicë absolute.
Në Universitetin e Arteve rektor u zgjodh Erald Bakalli, i cili kandidoi përball prof. Artan Peqinit.
Ndërsa tek Politekniku është zgjedhur rektor Prof. Akli Fundo.
Në Universitetin Bujqësor do të shërbejë edhe 4 vite të tjera rektori Fatbardh Sallaku.
Edhe tek Universiteti i Sporteve do jetë sërish rektor edhe për 4 vite të tjera Agron Kasa.
Në Universitetin e Tiranës do të jetë sërish rektor edhe për 4 vite Prof. Artan Hoxha në mandatin e dytë.
Ndërkohë që vijon numërimi edhe për postet e tjera drejtuese si dekanë dhe të senatit akademik.
