Fredi Belerit ka marrë pesë ditë leje për të lënë qelinë, dhe për të shkuar dhe bërë betimin si eurodeputet në Strasburg.
Këtë e ka bërë të ditur në një dekalratë zyrtare ditën e sotme, drejtoria e Burgjeve.
“Pas kërkesës së të dënuarit Dhionisis (Alfred) Beleri për leje shpërblyese në funksion të ndjekjes së punimeve në Parlamantin Europian në datat 15-20 korrik 2024 në Strasburg, referuar Urdhërit të Drejtorit të Përgjithshëm nr. 733 prot, datë 04.06.2024 “Për përbërjen dhe funksionimin e Bordit të Monitorimit të dhënies së lejes shpërblyese dhe të veçanta për të burgosurit në IEVP” është dhënë leje shpërblyese për të dënuarin Dhionisis (Alfred) Beleri nga data 15 korrik deri në 20 korrik 2024.
Pas përfundimit të lejes pesë ditore, i dënuari Alfred Beleri do të kthehet në burgun e Fierit për të vazhduar kryerjen e dënimit, sipas vendimit të GJKKO”, thuhet në vendimin e Drejtorisë së Burgjeve të shpërndarë për mediat.
