Autoriteti i Konkurrencës ka vendosur nën hetim tregun e grumbullimit dhe shitjes me shumicë të fruta-perimeve në qarkun Tiranë, Elbasan, Berat, Fier dhe Korçë.
Sipas njoftimit nga ky Autoritet thuhet se në pikat e shumicës në Tiranë shtrenjtuan çmimet deri në 100% kur ua shitën bizneseve të pakicës.
Në Fier çmimet nga fermeri deri tek pikat e shumicës u shtrenjtuan me 11-50%
Në Elbasan shtrenjtimi i fruta perimeve nga grumbulluesit nga fermeri tek shumica ishte nga 7-56%
Edhe grumbulluesit e Korçës abuzuan me çmimet, i rritën nga 17-40% çmimet e fruta perimeve nga momenti qe i blene tek fermeri deri tek shitja me shumicë.
Ndërkohë grumbulluesit e Beratit, mblidhnin produktin pa fatura tek fermerët, deklaronin çmime jo reale.
Hetimet janë kryer për periudhën 1 janar 2023-31 maj 2024.
