Bosnjë Hercegovinë- Një ngjarje e rëndë ka ndodhur brenda komisariatit të policisë në Bosanska Krupa ditën e djeshme kur një adoleshent 14 vjeçar, vrau një oficer me thikë dhe plagosi një tjetër.
Sulmi ndodhi rreth orës 21:00. në qytetin e Bosanska Krupa. Sulmuesi, i lindur në vitin 2009, hyri në stacionin e policisë lokale dhe goditi me thikë oficerët në një sulm "krejtësisht të paprovokuar".
I dyshuari është kapur dhe policia dhe prokurorët po punojnë për të përcaktuar motivin dhe të gjitha rrethanat e sulmit. Oficeri i lënduar është shtruar në spital. Zyrtarët thanë se nuk mund të zbulojnë më shumë detaje sepse një i mitur dyshohet se ka kryer sulmin.
Ramo Isak, i cili është ministri i brendshëm i një prej dy entiteteve që përbëjnë Bosnjën, i tha televizionit shtetëror BHRT se autoritetet kanë ngritur masat e sigurisë pas sulmit. Versus.al
