Protesta të shumta janë duke u bërë në Nairobi, Kenia kundër reformës së re të qeverisë vendase, për rritjen e taksave.
Por protestat sot kanë degjeneruar në dhunë, ku policia ka qëlluar për vdekje të paktën 5 persopna, ndërsa dhjetëra të tjerë janë plagosur.
Lajmin e ka konfirmuar Shoqatës Mjekësore e Kenias.
Një gazetar nga agjencia e lajmeve Reuters gjithashtu raportoi se kishte numëruar trupat e vrarë të të paktën pesë protestuesve jashtë parlamentit.
Më herët turmat shpërthyen kordonin e policisë dhe hynë në parlament, duke djegur një pjesë të kompleksit.
Zjarri shpërtheu edhe në Bashkinë e Nairobit.
Rreth 40 persona po trajtohen në spital.
Shtëpia e Bardhë dhe një grup ambasadorësh dhe komisionerësh të lartë për vendet, përfshirë Britaninë, Kanadanë, Danimarkën, Gjermaninë, SHBA-në dhe Holandën kanë lëshuar një deklaratë duke shprehur "shqetësim" për dhunën që pasoi në protesta.
