Shefja e re e shërbimit të inteligjencës së jashtme të Britanisë (MI6) paralajmëron për kërcënimin në rritje nga Rusia dhe nevojën për të trajnuar spiunët në teknologji për t'u përballur me kërcënime gjithnjë e më komplekse në fjalimin e saj të parë të madh publik që nga marrja e detyrës në selinë e agjencisë në Londër.
Sipas Blaise Metreëelli "vija e frontit është kudo", ndërsa pritet të paraqesë pikëpamjen e saj për peizazhin global të sigurisë në një fjalim në selinë e MI6.
"Eksportimi i kaosit është një karakteristikë e Rusisë"
Metreveli, e cila u emërua në krye të MI6 në qershor, pritet të flasë për kërcënimin që paraqet “agresioni, ekspansionizmi dhe revizionizmi” i Rusisë.
“Putini nuk duhet të ketë asnjë dyshim se mbështetja jonë për Ukrainën është e vazhdueshme. Presioni që po ushtrojmë në emër të saj do të vazhdojë. Eksportimi i kaosit është një shenjë dalluese e qasjes ruse ndaj çështjeve ndërkombëtare dhe ne duhet të jemi të përgatitur që kjo të vazhdojë derisa Putini të detyrohet të ndryshojë llogaritjet e tij”, mësohet se do të deklarojë ajo.
New MI6 chief Blaise Metreweli will use her first public speech to say Russia and other hostile countries are rewriting the rules of conflict to create a new “age of uncertainty”
— The i Paper (@theipaper) December 15, 2025
Read more: https://t.co/DXbEiUmF3J pic.twitter.com/51RnFFkgSl
Kërcënimet nga e gjithë bota po bëhen gjithnjë e më komplekse, pritet të thotë shefi i inteligjencës, duke përfshirë sabotimin, ndërprerjet teknologjike dhe dezinformimin.
Përdorimi i teknologjisë
Megjithatë, ajo do të këmbëngulë që Mbretëria e Bashkuar tashmë po punon për të shfrytëzuar teknologjinë për t'i trajtuar ato.
“Ekspertiza teknologjike duhet të përshkojë gjithçka që bëjmë”, do të këmbëngulë Metreuelli. Ajo gjithashtu do të shtojë: “Jo vetëm në laboratorët tanë, por edhe në terren, në zanatin tonë dhe, më e rëndësishmja, në mentalitetin e çdo oficeri. Ne duhet të jemi po aq të rehatshëm me përdorimin e kodit kompjuterik sa jemi me burimet njerëzore, të flasim rrjedhshëm Python aq sa jemi në shumë gjuhë.”
Shefja e inteligjencës pritet të theksojë gjithashtu se puna e agjencisë së saj bazohet në sanksionet e vendosura së fundmi nga Departamenti i Shtetit ndaj kompanive dhe individëve rusë.
