Presidenti ukrainas Volodymyr Zelensky njoftoi në një postim në platformën X se delegacioni ukrainas po kthehet në Kiev nga Gjeneva pas përfundimit të bisedimeve me përfaqësuesit e SHBA-së, duke vënë në dukje se pret një "informacion të plotë" mbi progresin e negociatave deri në mbrëmje.
"Bazuar në këto raporte, ne do të përcaktojmë hapat e ardhshëm dhe axhendën. Ne do të vazhdojmë koordinimin me Evropën dhe partnerë të tjerë në mbarë botën. Ne mbështetemi në arritjen e rezultateve të nevojshme dhe falënderojmë të gjithë ata që mbështesin Ukrainën ", tha ai.
Zelensky shtoi se kishte folur në telefon me kryeministrin norvegjez Jonas Gaard Støre, me të cilin diskutuan situatën diplomatike. "Jam mirënjohës për këshillat dhe mbështetjen - Norvegjia, si gjithmonë, ndihmon ", vuri në dukje ai.
I had a call with the Prime Minister of Norway, @jonasgahrstore. We discussed the diplomatic situation and bilateral cooperation. I am grateful for the advice and support – Norway, as always, is helping.
— Volodymyr Zelenskyy / Володимир Зеленський (@ZelenskyyUa) November 24, 2025
I briefed the Prime Minister on the initial results of the advisers’ work…
“Kemi punë përpara”
“Shumë punë mbetet” me bisedimet e paqes për Ukrainën”, tha zëdhënësja e Komisionit Evropian , Paola Pinho, gjatë konferencës së sotme për shtyp.
Pinho tha se bisedimet e Gjenevës kishin bërë “përparim konstruktiv” për paqen në Ukrainë, por shtoi se “duhet ende shumë punë” .
Ajo tha gjithashtu se nuk kishte një afat kohor nga ana e BE-së. “Po punojmë shumë për të krijuar bazën që do të na çojë drejt një paqeje të drejtë dhe të qëndrueshme”.
Ajo përmendi gjithashtu se Presidentja e Komisionit ka thënë se cilat janë tre pikat kryesore të një paqeje të drejtë dhe të qëndrueshme, duke vënë në dukje se kjo nuk do të thotë se nuk ka elementë të tjerë të rëndësishëm që do të luajnë një rol në bisedimet për një marrëveshje.
Zëdhënësja e Komisionit më pas konfirmoi se BE vazhdon të punojë “urgjentisht” për një kredi për dëmshpërblime lufte për Ukrainën, përmes aseteve të ngrira ruse. Ajo kujtoi fjalët e Presidentes së Komisionit, Ursula von der Leyen,
"Sulmuesi është ai që duhet të paguajë për shkatërrimin që ka shkaktuar."/Përshtati në shqip Versus.al
