Një seri intensive sulmesh ajrore izraelite u regjistruan në Libanin jugor përpara fillimit të një fjalimi televiziv nga udhëheqësi i Hezbollahut, Hassan Nasrallah. Sipas Ministrisë së Shëndetësisë libaneze, të paktën 37 persona janë vrarë dhe mijëra janë plagosur pas shpërthimeve të biperave të anëtarëve të Hezbollahut, të cilët u hodhën në erë si dhe mijëra pajisje të tjera me valë (panele diellore, telefona celularë, radio, makina dhe pajisje shtëpiake në të gjithë Libanin.
Për këto sulme Nasrallah tha: "Ajo që bëri Izraeli është një shpallje lufte kundër sovranitetit të Libanit, ata donin të vrisnin 5 mijë njerëz, ky është terrorizëm. Izraeli donte të vriste 5000 njerëz në dy minuta. Por duke qenë se shumë pajisje ishin fikur, nuk punonin ose nuk u shpërndanë, numri ishte më i ulët”, tha kreu i Hezbollahut libanez, Hassan Nasrallah." Më pas ai shtoi: “Vija e kuqe është kaluar, ne do ta ndalojmë luftën nëse Izraeli ndalet në Gaza”. Lufta në Lindjen e Mesme midis Izraelit dhe Hamasit arrin në ditën e 349.
