Teoritë e konspiracionit dhe kërcënimet me vdekje ndaj meteorologëve ka krijuar një situatë shumë serioze, në SHBA, pas uraganit të fundit Milto që përfshiu Floridën.
Situata është aq serioze sa vetë meteorologët raportojnë se kanë marrë kërcënime me vdekje dhe akuza se ato kontrollojnë ose se po krijojnë uraganët.
Një nga objektivat kryesore të këtyre sulmeve është meteorologia Kate Nicolaou, e cila tha për Guardian se ajo dhe kolegët e saj kanë marrë mesazhe të shumta duke i akuzuar ata për "uragane të kategorisë 6" (një kategori që nuk ekziston), për "përgatitje" dhe " drejtimin" e uraganeve, si dhe për shkatërrimin e pajisjeve të radarëve.
"Unë kurrë nuk kam parë një stuhi të grumbullojë kaq shumë dezinformata, ne thjesht kemi shuar zjarret e informacionit të gabuar kudo," tha Nickolaou.
“Kam pasur një mori njerëzish që thonë se unë kam krijuar dhe drejtuar uraganin, ka njerëz që supozojnë se ne kontrollojmë motin. Më është dashur të theksoj se një uragan ka energjinë e 10,000 bombave bërthamore dhe ne nuk mund të shpresojmë ta kontrollojmë atë. Por është kthyer në një retorikë më të dhunshme, veçanërisht me njerëzit që thonë se ata që krijuan Milton duhet të vriten.”
Një nga kërcënimet që synonte Nickolaou thoshte: Vrisni ata që i kanë krijuar dhe bashkëpunëtorët e tyre, mesazh të cilit meteorologia i është përgjigjur: Vrasja e meteorologëve nuk do të ndalojë uraganet.
“Njerëzit më kanë mallkuar, njerëz që më thonë të hesht, njerëz që mendojnë se është në rregull të heqësh radarin Doppler sepse mendojnë se po kontrollon motin,” është shprehur Nickolaou.
Siç tha Nicolaou, "është shumë e lodhshme ta menaxhosh këtë dhe të ha shumë kohë nga puna dhe jeta jonë personale".
Thashethemet e rrezikshme dhe teoritë e konspiracionit
Dezinformimi filloi që para se Milton të mbërrinte në Florida dhe u intensifikua me ndihmën e figurave politike. Ish-presidenti Donald Trump dhe mbështetësit e tij kanë ndihmuar në përhapjen e thashethemeve se Agjencia Federale e Menaxhimit të Emergjencave (FEMA) ka varfëruar rezervat financiare për të mbijetuarit e uraganit, sepse ato fonde u dërguan për emigrantët e paligjshëm.
Kjo retorikë nuk mbeti vetëm në fjalë. Në platforma të tilla si TikTok, Facebook dhe X (ish Tëitter), ata publikuan video duke kërkuar dhunë ndaj punonjësve të FEMA, duke pretenduar se ata "duhet të arrestohen, rrihen ose varen në vend".
Përveç kësaj, politikanë të tillë si Marjorie Taylor Greene, një kongresmene republikane dhe aleate e Trump, kanë ndihmuar në përhapjen e teorive konspirative, duke pretenduar se qeveria kontrollon motin.
— Marjorie Taylor Greene ???????? (@mtgreenee) October 7, 2024
Situata e detyroi presidentin Joe Biden të mbajë një qëndrim, duke akuzuar Trump për një "stuhi gënjeshtrash" dhe duke i kërkuar atij "të bëjë diçka serioze".
Rreziqet për shoqërinë dhe operacionet e shpëtimit
Ky dezinformim ka krijuar probleme serioze në reagimin e autoriteteve dhe operacionet e shpëtimit. Sipas kreut të FEMA, (Agjencia Federale e Menaxhimit të Emergjencave) përhapja e lajmeve të rreme vështirëson punën e tyre dhe minon besimin e qytetarëve tek autoritetet zyrtare.
Siç theksoi ai, teori të tilla konspirative mund të vonojnë ose pengojnë përpjekjet e shpëtimit, pasi qytetarët ose nuk ndjekin udhëzimet ose kthehen kundër punonjësve të ndihmës.
Rritja alarmante e lajmeve të rreme
Shtrirja e fenomenit është aq e madhe sa Instituti për Dialog Strategjik (ISD) raportoi se më pak se tre duzina postime të rreme janë parë më shumë se 160 milionë herë në platformën X që mbështesin hapur Donald Trump, duke e kthyer dezinformimin e uraganit në një mjet propagande politike.
Ekspertët janë të shqetësuar se ky fenomen mund të dëmtojë jo vetëm besimin tek shërbimet e urgjencës, por edhe perceptimin e përgjithshëm të publikut për të vërtetën dhe realitetin, veçanërisht në prag të zgjedhjeve të ardhshme presidenciale./Versus.al
