Presidentja e Komisionit Evropian Ursula Von der Leyen ka reaguar ndaj sulmit rus me raketa i cili deri më tani ka numëruar mbi 32 të vdekur mes të cilëve dhe 2 fëmijë.
“Këtë mëngjes, mizoria ruse goditi përsëri, duke vrarë burra, gra dhe fëmijë në qytetin e Sumy.
Një sulm barbar, i bërë edhe më i poshtër nga fakti se njerëzit ishin mbledhur paqësisht për të festuar të Dielën e Palmave.
Nevojiten urgjentisht masa të forta për të zbatuar një armëpushim”, shkroi presidentja e Komisionit Evropian Ursula von der Leyen në mediat sociale.
This morning, Russian cruelty struck again, killing men, women and children in the city of Sumy.
— Ursula von der Leyen (@vonderleyen) April 13, 2025
⁰A barbaric attack, made even more vile as people gathered peacefully to celebrate Palm Sunday.
This latest escalation is a grim reminder:
Russia was and remains the aggressor, in…
“Ky përshkallëzim i fundit është një kujtesë e trishtuar: Rusia ishte dhe është akoma agresori, në shkelje të qartë të ligjit ndërkombëtar. Evropa do të vazhdojë të kontaktojë partnerët e saj dhe të mbajë presion të fortë mbi Rusinë derisa gjakderdhja të ndalet dhe të arrihet një paqe e drejtë dhe e qëndrueshme, sipas kushteve të Ukrainës. Viktimat e sulmit të sotëm, familjet e tyre dhe të gjithë ukrainasit janë në zemrat tona. Sot dhe çdo ditë. Evropa qëndron pranë Ukrainës dhe Presidentit Zelensky”, vijon ajo.
Presidenti Zelenski nga ana e tij ka falenderuar liderët evropianë për mbështetjen e tyre.
