Donald Trump këmbënguli para gazetarëve në Air Force One mbrëmë se armëpushimi në Gaza ishte ende në fuqi, pavarësisht sulmeve vdekjeprurëse të djeshme në enklavë.
Ushtria izraelite tha se goditi objektivat e Hamasit në të gjithë enklavën pasi një sulm i mëparshëm vrau dy ushtarë të saj. Sulmet vranë të paktën 26 persona, sipas banorëve vendas dhe autoriteteve shëndetësore.
Trump tha se udhëheqja e Hamasit mund të mos jetë e përfshirë në shkeljet e dyshuara që sollën dhunën e djeshme.
"Ne mendojmë se ndoshta udhëheqja nuk është e përfshirë në këtë, por grupe rebele" tha Trump. "Sidoqoftë... do të trajtohet ashpër, por siç duhet."
Trump tha se nuk e dinte nëse sulmet izraelite ishin të justifikuara. "Do të duhej t'ju ktheja përgjigje për këtë," tha ai.
"Do të duhet të shohim se çfarë po ndodh. Duam të sigurohemi që do të jetë shumë paqësore me Hamasin."
Zyra qeveritare e medias në Gaza e drejtuar nga Hamasi thotë se Izraeli ka vrarë 97 palestinezë dhe ka shkelur marrëveshjen e armëpushimit 80 herë që kur ajo filloi. Versus.al
