Një grafit me përmbajtje kërcënuese ndaj kryeministrit në detyrë të Kosovës, Albin Kurti, është identifikuar mbrëmjen e kaluar në pjesën veriore të Mitrovicës.
Sipas Policisë, shkrimi është vërejtur rreth orës 21:00 në rrugën “Vasilia Ostrovski”. Grafiti, i shkruar në gjuhën serbe dhe me alfabet cirilik, thoshte:
“Me agimin që po lind në Kosovë, Albin Kurti do të jetë i vdekur”.
Zëvendësdrejtori i Policisë së Kosovës në veri, Veton Elshani, ka konfirmuar rastin, duke theksuar se grafiti është trajtuar si kanosje me urdhër të prokurorit kompetent. Ai shtoi se i njëjti shkrim kishte qarkulluar më herët edhe në rrjetet sociale, përfshirë Telegram-in dhe platformën serbe “Korridori”.
Deri më tani, nuk ka persona të arrestuar apo të dyshuar lidhur me këtë rast, ndërsa hetimet po vijojnë./Versus.al
