Ukraina tha se do të pranonte një armëpushim 30-ditor me Rusinë pas bisedimeve me SHBA-në në Arabinë Saudite që synonin t’i jepnin fund luftimeve të martën, sipas një deklarate të lëshuar nga SHBA dhe Ukraina.
Marrëveshja erdhi pas më shumë se tetë orë negociatash midis zyrtarëve ukrainas dhe një delegacioni amerikan të kryesuar nga Sekretari i Shtetit Marco Rubio në qytetin saudit të Jeddah.
“Ukraina shprehu gatishmërinë për të pranuar propozimin e SHBA-së për të miratuar një armëpushim të menjëhershëm, të përkohshëm 30-ditor, i cili mund të zgjatet me marrëveshje të ndërsjellë të palëve, dhe që është subjekt i pranimit dhe zbatimit të njëkohshëm nga Federata Ruse”, thuhet në një deklaratë të përbashkët të SHBA-së dhe Ukraina të lëshuar nga Departamenti i Shtetit.
“Shtetet e Bashkuara do t’i komunikojnë Rusisë se reciprociteti rus është çelësi për arritjen e paqes”, thuhet në deklaratë.
Deklarata tha po ashtu se SHBA “do të heqë menjëherë pauzën për ndarjen e informacioneve të shërbimeve inteligjente dhe do të rifillojë ndihmën e sigurisë për Ukrainën”.
