Kryeministri kanadez Mark Carney tha të hënën në Kiev se nuk do ta përjashtonte praninë e trupave kanadeze në Ukrainë si pjesë e garancive të sigurisë të propozuara në të ardhmen, korniza e të cilave po përpunohet tani nga Ukraina dhe aleatët e saj.
Carney mbajti një konferencë të përbashkët për shtyp me Presidentin Volodymyr Zelensky.
Nga ana e tij, presidenti ukrainas tha se prania e ushtarëve të huaj në Ukrainë pas përfundimit të luftës me Rusinë "do të ishte e rëndësishme".
Çështja e "pranisë, siç thonë ata, të ushtarëve në terren, është e rëndësishme për ne ", tha Volodymyr Zelensky, duke folur përkrah kryeministrit kanadez, i cili po viziton Kievin me rastin e përvjetorit të pavarësisë së Ukrainës nga Bashkimi Sovjetik në vitin 1991.
Poll
