Ish-kancelarja e Gjermanisë Angela Merkel gjatë një intervesti për revistën 'Focus' ku flet për librin e saj me kujtime 'Liria' i është rikthyer dhe paraqitjes gjatë një vizite në Oslo në vitin 2008 ku u shfaq e veshur me një fustan blu të errët me një dekolte të thelluar.
Gjatë 16 viteve që ajo kishte marrë frenat e vendit, veshja e Merkel ishte komentuar nga stilistët dhe bashkëqyetetarët e saj si tepër të mërzitshme.
Duke ecur në tapetin e kuq, ish-zonja e hekurt e Gjermanisë, Angela Merkel , papritmas fitoi feminitet. Edhe gjerdani me perla që mbante në qafë u komentua nga mediat norvegjeze dhe gjermane. “Frau Angela Merkel nuk është mësuar me paraqitje të tilla”, shkruajtën shumica e komenteve në media.
Me bashkëshortin e saj të dytë Joachim Sauer në krah, Merkel i mahniti të gjithë me dekoltenë e saj. Gazetarët jashtë shtëpisë së operës në Oslo në vitin 2008 nuk mund t'u besonin syve të tyre. Askush nuk e kishte parë Merkelin të veshur në mënyrë kaq provokuese dhe madje edhe në evente të ngjashme.
Duke folur për revistën 'Focus', ish-kancelarja ka nxituar të theksojë se nuk e priste një reagim të tillë nga shtypi dhe qytetarët për zgjedhjen e veshjeve. “Nuk e kam parashikuar se sa i fortë do të ishte reagimi 16 vite më parë”, thotë sot ish-kancelarja gjermane.
Revista gjermane pretendon se në atë kohë shumë kishin vënë në dyshim nëse një kancelare lejohej të vishte një dekolte kaq të thellë.
“Ky është një shembull se si unë ose disa njerëz të tjerë mund të gjykohemi vetëm nga pamja e tyre dhe unë me të vërtetë doja ta shmangja këtë. Me paraqitjen time në operën në Oslo nuk e kam parashikuar se sa i fortë do të ishte reagimi i njerëzve”, shton Merkel. Ajo pohoi se paraqitjet e saj nuk kanë qenë kurrë kaq të rëndësishme për të. Prandaj kombinimi shumëngjyrësh i xhaketës-pantallonave që ajo vishte çdo ditë dukej si një uniformë.
“Gjithmonë kam besuar se kur njerëzit kalojnë gjithë kohën e tyre duke parë rrobat e mia, nuk dëgjonojnë mesazhin politik që dua të përcjell ”, thekson ajo.
Ditën e djeshme në qendrën kulturore Dussmann në zemër të Berlinit shumë nga bashkëqytetarët e saj qëndruan në radhë me orë të gjatë me librin e saj në dorë ku kishte dhe nga ata që kishin blerë më shumë se një kopje për ta takuar nga afër dhe për të marrë një autograf nga ish-kacelarja që udhëhoqi për 16 vite një nga shtetet më të fuqishme në Europë dhe botë./Versus.al
