Kalimi i stuhisë Darragh në Britani është shkatërrues. Një person ka humbur jetën dhe dhjetëra mijëra shtëpi janë pa energji elektrike.
Stuhia ka shkaktuar ndërprerje të konsiderueshme në Uellsin Jugor, Anglinë Perëndimore dhe Irlandën e Veriut, me shumë linja treni dhe fluturime të anuluara. Avionët patën jo pak probleme për tu ulur në aeroporte, si pasojë e erës së fortë. Një burrë rreth të 40-tave ka humbur jetën kur një pemë ka rënë mbi kamionin e tij, shkruan BBC.
Erërat prej 80-90 mph janë regjistruar rreth Detit Irlandez gjatë stuhisë. Të paktën 48,000 shtëpi mbetën pa energji në Uells, ndërsa Rrjetet Elektrike të Irlandës së Veriut thanë se ndërprerjet e energjisë po preknin më shumë se 46,000 objekte.
Paralajmërim "i kuq".
Një paralajmërim i rrallë 'i kuq' i Met Office për kushtet e motit potencialisht kërcënuese për jetën në Uellsin perëndimor dhe jugor dhe në bregdetin e Bristol Channel ishte në vend nga ora 03:00 deri në orën 11:00 me kohën lokale.
Rreth tre milionë njerëz morën një alarm të urgjencës nga qeveria në celularët e tyre të premten mbrëma, duke këshilluar për stuhinë.
Alarmi thoshte se qytetarët duhet "të konsiderojnë paketimin e dritave, baterive, përshtatësve të energjisë celulare dhe gjërave të tjera thelbësore" në rast të ndërprerjes së energjisë.
Mesazhi i së premtes ishte përdorimi më masiv i sistemit të paralajmërimit të Mbretërisë së Bashkuar dhe bëri një tingull të fortë si sirena kur transmetohej nga pajisjet, që zgjati rreth 10 sekonda.
