NATO ka dy ose tre vjet për t'u përgatitur për një sulm rus kundër saj. Ky është paralajmërimi i bëtë të martën e 4 qershorit nga shefi norvegjez i mbrojtjes, gjenerali Eirik Kristoffersen, siç raporton “TheTelegraf”.
Duke diskut uar aftësinë e Rusisë për të rindërtuar forcat e saj ndërsa është në luftë në Ukrainë, gjenerali Eirik Kristoffersen tha: "Do të duhet kohë, e cila na jep një dritare për 2-3 vitet e ardhshme për të rindërtuar forcat tona, ndërsa mbështesim Kievin". Një kornizë kohore më e shkurtër se vlerësimet e mëparshme: në janar ministri gjerman i Mbrojtjes paralajmëroi se Rusia mund të sulmojë NATO-n në 5-8 vjet.
Biden: Paqja është të sigurohesh që Rusia të mos pushtojë kurrë Ukrainën
Joe Biden përsëriti angazhimin e tij për fitoren e Ukrainës në një intervistë për Time. “Paqja do të thotë të sigurohesh që Rusia të mos pushtojë kurrë, kurrë, kurrë, kurrë Ukrainën”, tha presidenti.
“Kjo nuk do të thotë se ata tw jenë pjesë e NATO-s”, shtoi Biden. "Kjo do të thotë se ne kemi një marrëdhënie të ngjashme me ta si me vendet e tjera, ku ne ofrojmë armë në mënyrë që ata të mund të mbrohen në të ardhmen. Por unë isha ai që tha se nuk isha i gatshëm të NATO-izoj Ukrainën."
Kremlini, instruktorët perëndimorë nuk janë imunë ndaj sulmeve
Instruktorët perëndimorë të dërguar në Ukrainë për të trajnuar forcat e Kievit nuk do të jenë të imunizuar ndaj sulmeve ruse, "pavarësisht nëse janë francezë apo jo". Këtë e tha zëdhënësi i Kremlinit, Dmitry Peskov, i cituar nga agjencia Interfax.
