Kina dhe Bashkimi Evropian kanë rënë dakord të fillojnë bisedimet për vendosjen e planifikuar të tarifave për automjetet elektrike të prodhimit kinez (EV-të) që importohen në tregun evropian, thanë të shtunën zyrtarë të lartë të të dyja palëve, shkruan Reuters.
Ministri gjerman i Ekonomisë Robert Habeck tha se ishte informuar nga komisioneri i BE-së Valdis Dombrovskis se do të kishte negociata konkrete për tarifat me Kinën.
Konfirmimi erdhi pasi Ministria e Tregtisë e Kinës deklaroi se ministri Ëang Ëentao dhe Dombrovskis, nënkryetari ekzekutiv i Komisionit Evropian, kishin rënë dakord të fillonin konsultimet mbi hetimin kundër subvencioneve të BE-së për automjetet elektrike kineze.
“Kjo është e re dhe befasuese pasi nuk ka qenë e mundur të hyhet në një plan konkret negociatash në javët e fundit,” theksoi Habeck në Shangai.
“Jemi larg fundit, por të paktën është hapi i parë që nuk ishte i mundur më parë”, shtoi ai.
Më herët ministri gjerman kishte thënë se dera e Bashkimit Evropian ishte e hapur për diskutime në lidhje me tarifat e BE-së për eksportet kineze. Versus.al
