Përçarja e liderëve në Kosovë është tashmë e qartë, me Vjosa Osmanin që ka marrë një pozicion ndryshe nga ai që ka pasur më herët lidhur me politikat e ndjekura nga Albin Kurti.
Në situatën aktuale, ku partnerë ndërkombëtarë i kanë bërë thirrje Kurtit që të mos veprojë pa u konsultuar me ta sa i takon vendimit të tij për hapjen e qarkullimit të automjeteve në Urën mbi lumin Ibër, edhe Vjosa Osmani ka dalë kundër tij.
Teksa mbajti fjalën e saj në Forumin ‘Globsec’, Osmani thumboi Kurtin duke deklaruar se po gënjehet nga suksesi momental që ka në vendimet e marra pa u konsultuar me aleatët, por pasojat e këtyre veprimeve mund të vëreheshin më vonë.
“Mospajtimi nuk është ndoshta sa i përket rrugës, por ndoshta vetëm shpejtësia me të cilën ecet në atë rrugë. Nuk po dua të them që e gjithë situata është krejt e qartë. Kam pasur 20 vjet përvojë në politikë dhe koordinimi me aleatët është kyç është një prej aspekteve kyça të suksesit tonë. Kur koordinohemi me aleatët në terren suksesi është më i qëndrueshëm më afatgjatë, por kur nuk e bëjmë këtë është një sukses vetëm momental, mund të duket mirë, mund të tingëllojë mirë, por që pastaj është më i brishtë si sukses dhe mund të bëjmë hapa mbrapa”- u shpreh Osmani ndër të tjera.
Një prej ndërkombëtarëve që ka kritikuar Kurtin hapur për politikat e tij, ka qenë edhe presidenti francez, Emanuel Macron i cili i ka bërë thirrje kryeministrit të Kosovës që të themelojë Asociacionin e komunave me shumicë serbe. Versus.al
