Itali- Një përleshje e ashpër është regjistruar mes tifozëve të Interit, ku përfundimi ishte me një të vdekur dhe një të plagosur.
Sipas raportimit të mediave italiane, një 36-vjeçar Antonio Bellocco, i dënuar dhe i lidhur me klanin Rosarno, u godit me thikë për vdekje, pasi hapi zjarr ndaj liderit historik të ultrasve “Nerazzurri”, Andrea Beretta 49-vjeçar.
Ngjarja ka ndodhur pranë palestrës Testudo, një vend takimi shumë i njohur për mbështetësit e ‘Curva Nord’.
Andrea Beretta është arrestuar nga policia nën akuzën e vrasjes.
Sipas hetimeve paraprake, viktima qëlloi Berettën duke e plagosur në këmbë, ndërsa ata ishin së bashku në një makinë Smart.
Të shtënave me armë zjarri 49-vjeçari i është përgjigjur menjëherë me një goditje vdekjeprurëse në fyt.
Pak orë para vrasjes, Andrea Beretta dhe Antonio Bellocco luajtën së bashku futboll në një sfidë mes miqsh. Këtë e tregon një foto e publikuar në Instagram nga Marco Ferdico, një nga drejtuesit ultra të Interit.
Ata kishin luajtur futboll me kapo ultrasit e Milanit, duke e konsideruar një derbi të zakonshëm mes miqsh./ Versus.al
