SHBA- Gjatë një takimi të kabinetit të organizuar të enjten në Shtëpinë e Bardhë, multimilarderi Elon Musk u përplas me zyrtarët e lartë, veçanërisht me sekretarin e Shtetit Marco Rubio për mënyrën sesi ky i fundit i është afruar departamentit “DOGE” që Musk po drejton.
Shumica e anëtarëve të kabinetit rreth tryezës ishin vëzhgues dhe nuk ndërhynë në debatin midis Musk dhe Rubio.
Musk akuzoi Rubion se nuk pushoi nga puna askënd në departamentin e tij dhe Rubio tha se kjo nuk ishte e vërtetë, duke pasur parasysh se agjencia kishte më shumë se 1000 punonjës që ishin pushuar.
Sipas burimeve, Trump vëzhgoi përpara se të ndërhynte dhe t'i thoshte Rubios se po bënte një punë të mirë. Gjatë këtij takimi Trump i kujtoi kabinetit të tij se ata janë në krye të agjencive që ata drejtojnë, jo Musk.
Anëtarë të shumtë të kabinetit të Trump kanë shprehur privatisht zhgënjimin për javë të tëra për mënyrën se si Musk i është afruar shkurtimeve të qeverisë federale dhe direktivave që ai dhe ekipi i tij DOGE u kanë dhënë të gjithë punonjësve të qeverisë.
Trump u pyet për përplasjen e supozuar të premten gjatë një ngjarjeje të palidhur në Shtëpinë e Bardhë dhe tha, "nuk ka asnjë përplasje". Ai shtoi se Rubio dhe Musk "bashkohen në mënyrë fantastike" dhe "ata të dy po bëjnë një punë fantastike". Versus.al
