SHBA- Departamenti i Drejtësisë publikoi ditën e djeshme disa dokumente të shumëpritura të dosjes Epstein, duke detajuar edhe më tej hetimet ndaj autorit të disa krimeve seksuale, Jeffrey Epstein.
Pjesa e parë e dokumenteve të publikuara duket se përqendrohet ndjeshëm në materialet që lidhen me ish-presidentin amerikan Bill Clinton. Ky i fundit shfaqet në dhjetëra foto, mes të cilave njërën në një pishinë duke notuar së bashku me Ghislaine Maxuell, e cila është bashkëpunëtorja e dënuar e Epstein.
Imazhet dhe dokumentet janë publikuar pa kontekst ose informacion mbi sfondin. Nuk është e qartë se cilat fotografi mund të jenë bërë nga zoti Epstein dhe cilat mund të jenë dërguar prej tij, ose ku janë bërë shumë prej tyre. Zyrtarët e Departamentit të Drejtësisë nuk kanë thënë se si e kanë zgjedhur pjesën e veçantë të dokumenteve që u publikuan të premten.
Clinton është një nga të paktët njerëz, fytyrat e të cilëve nuk u redaktuan, së bashku me vetë Epstein dhe bashkëpunëtorjen e tij Maxuell. Në postimet në X pas publikimit, një zëdhënëse e Shtëpisë së Bardhë vuri në dukje vazhdimisht fotot e Clinton dhe argumentoi se mediat nuk donin të përqendroheshin te imazhet. Versus.al
