Presidenti rus Vladimir Putin përsëriti gatishmërinë e palës ruse për bisedime pa parakushte me Ukrainën sot gjatë takimit të tij me të dërguarin e Trump, Steve Wittkoff, njoftoi sot agjencia e lajmeve Interfax, duke cituar zëdhënësin e Kremlinit, Dmitry Peskov.
Wittkoff u takua me Putinin në Moskë të premten për tre orë për të diskutuar planin e SHBA për t'i dhënë fund luftës në Ukrainë dhe Trump tha se të dy palët ishin "shumë afër një marrëveshjeje" pavarësisht dallimit të dukshëm në pozicionet e tyre.
Ndërkohë sot, presidenti amerikan, Donald Trump, në një postim në platformën “Truth Social”, e përshkroi luftën në Ukrainë si “të humbur që në ditën e parë” dhe nisi sulme të reja kundër homologut të tij rus.
Konkretisht, ai tha se "me gjithë këtë, nuk kishte asnjë arsye që Putini të gjuante raketa në zonat urbane, qytete dhe qyteza ditët e fundit", ndërsa akuzoi presidentin rus se "ndoshta nuk dëshiron të ndalojë luftën, ai thjesht po luan me mua dhe duhet trajtuar në një mënyrë tjetër, përmes "masave bankare" ose "sanksioneve dytësore".
“Shumë njerëz po vdesin!!!”, ka përfunduar Donald Trump
